قومی ٹیم کے سابق کپتان اور آل راؤنڈر شاہد آفریدی کی بہن کی حالت تشویشناک ہے۔

انسٹاگرام پر شاہد آفریدی نے ایک تصویر پوسٹ کی جس میں وہ اپنی علیل بہن کا ہاتھ تھامیں ہوئے ہیں تاہم تصویر کے ساتھ کیپشن میں شاہد آفریدی نے بتایا کہ انکی بہن اس وقت اپنی زندگی کی جنگ لڑ رہی ہے۔

ان کا کہنا تھا کہ میری آپ سے گزارش ہے کہ میری بہن کے لیے دعا کریں کہ اللہ تعالیٰ اُس کو جلد شفا دے اور صحت والی لمبی زندگی عطا فرمائے۔

شاہد آفریدی نے اپنی بہن کیلئے لکھا کہ میری پیاری تم مضبوط رہو، میں جلد تمہارے پاس آنے کے لئے واپسی کا سفر کر رہا ہوں۔

شاہد آفریدی کی پوسٹ پر اداکارہ عائشہ عشبہ ملک ، جنید خان، متھیرا، اسد صدیقی، کھلاڑی احمد شہزاد سمیت ان کے مداحوں نے جلد صحتیابی کیلئے دعاؤں اور نیک خواہشات کا اظہار کیا ہے۔