Aaj News

پیر, اپريل 22, 2024  
13 Shawwal 1445  

شاہین شاہ آفریدی نے ورلڈکپ میں اپنے سسر کا کون سا ریکارڈ برابر کردیا؟

شاہین آفریدی نے 10 اوورز میں 54 رنز دے کر 5 آسٹریلوی کھلاڑیوں کو آؤٹ کیا
شائع 20 اکتوبر 2023 09:26pm

آئی سی سی کرکٹ ورلڈ کپ میں پاکستان کے فاسٹ باولر شاہین شاہ آفریدی نے اپنے سسر اور سابق کپتان شاہد آفریدی کے نقشِ قدم پر چلتے ہوئے ان ہی کا ایک ریکارڈ برابر کر دیا۔

آسٹریلیا نے ورلڈکپ میچ میں پاکستان کے خلاف رنز کا پہاڑ کھڑا کر دیا، کینگروز نے بابر اعظم کی دعوت پر بیٹنگ کرتے ہوئے مقررہ 50 اوورز میں 9 وکٹوں کے نقصان پر 367 رنز بنائے۔

آسٹریلیا کی جانب سے ڈیوڈ وارنر نے 163 اور مچل نے 121 رنز کی شاندار اننگز کھیلی۔

آسٹریلیا کے ٹاپ آرڈر کے آؤٹ ہوتے ہی پاکستانی باولرز نے کم بیک کیا، ایک وقت پر جو ٹوٹل 400 بنتا نظر آرہا تھا وہ مسلسل وکٹیں گرنے کی وجہ سے 367 پر رک گیا۔

پاکستان کی جانب سے شاہین آفریدی نے 10 اوورز میں 54 رنز دے کر 5 کھلاڑیوں کو آؤٹ کیا، شاہین آفریدی ورلڈکپ ٹورنامنٹ میں 2 بار 5 وکٹیں لینے والے شاہد آفریدی کے بعد پاکستان کے دوسرے بولر بن گئے ہیں۔

اس سے قبل شاہد آفریدی ورلڈکپ میں پاکستان کی جانب سے سب زیادہ 2 بار 5 وکٹیں لے چکے ہیں۔

آسٹریلیا کے خلاف میچ سے قبل شاہین نے 2019 کے ورلڈکپ میں بنگلادیش کے خلاف 6 وکٹیں حاصل کی تھیں، جبکہ شاہد آفریدی نے 2011 کےو رلڈکپ میں 2 بار5 وکٹیں حاصل کی تھیں۔

واضح رہے کہ شاہین شاہ اور سابق کپتان شاہد آفریدی کی بیٹی انشا آفریدی رواں سال رشتہ ازدواج میں منسلک ہوئے تھے۔

india

Shahid Afridi

Shaheen Shah Afridi

Bengaluru

ODI World Cup

world cup 2023

ICC ODI WORLD CUP 2023

Comments are closed on this story.

تبصرے

تبولا

Taboola ads will show in this div