پاکستان کی مشہور میک اپ آرٹسٹ، اداکارہ اور کھانا پکانے کی ماہر نازیہ ملک شاید واحد خاتون ہوں گی جنہوں نے بالی ووڈ کنگ شاہ رخ خان کو دیکھا ہو اور پہچان نہ پائی ہوں۔

نازیہ ملک مختلف ٹی وی چینلز پر مختلف شوز کی میزبانی کر چکی ہیں۔

انہوں نے اپنے کیریئر کا آغاز اشتہارات، ٹیلی ویژن ڈراموں اور شوز سے کیا۔

ان کا قابل ذکر کوکنگ شو جیو ٹی وی شیف محبوب کے ساتھ تھا جس کا نام ”کسان لذت کی جان“ تھا۔

انہوں نے چند سیریل اور بہت سے طویل ڈرامے اور ٹیلی فلمیں کیں۔

نازیہ ملک برطانیہ کی ایک فیشن ڈیزائنر اور ایک سرٹیفائیڈ میک اپ آرٹسٹ ہیں۔

انہوں نے حال ہی میں نادر علی کے پوڈ کاسٹ میں شرکت کی، جہاں انہوں نے شاہ رخ خان کے ساتھ اپنی ملاقات کے بارے میں بات کی۔

انہوں نے یہ بھی بتایا کہ وہ پہلی بار شاہ رخ خان کو دیکھ کر انہیں پہچان نہیں پائی تھیں۔

اس بارے میں بات کرتے ہوئے نازیہ ملک نے کہا کہ شاہ رخ خان سے ملاقات کے بعد اب میں انہیں پسند کرنے لگی ہوں۔ پہلے، میں انہیں کبھی پسند نہیں کرتی تھی، میں نے ان کی فلمیں بھی نہیں دیکھی تھیں لیکن اب میں انہیں بہت پسند کرتی ہوں۔

ان کا کہنا تھا کہ ’میرے خیال میں یہ 2011 کی بات ہے جب انوشکا شرما کے ساتھ ان کی فلم ریلیز ہونے والی تھی، وہ برطانیہ میں فلم کی شوٹنگ کر رہے تھے۔ ہم مال میں تھے جہاں میں نے ایک آدمی کو دیکھا لیکن میں نے اسے پہلے نہیں پہچانا۔ جب میں نے اپنی دوست نورین سے پوچھا، ”میرے خیال میں یہ شاہ رخ خان ہیں“، میری دوست نے جواب دیا، ”مجھے نہیں معلوم“، کیونکہ وہ کبھی کسی اداکار کو پسند نہیں کرتی تھیں، میں نے ان سے کہا کہ ہمیں تصویر کھینچنی چاہیے اس کے ساتھ کیونکہ وہ ایک اسٹار ہے اور لوگ اسے بہت پسند کرتے ہیں۔ میں شاہ رخ خان کے پاس گئی اور پوچھا، ”کیا آپ شاہ رخ خان ہیں؟“، انہوں نے کہا، ”ہاں“، پھر ہم نے تصویر کا پوچھا، انہوں نے عاجزی کا مظاہرہ کیا، کیمرہ لیا اور اپنے اسسٹنٹ کو دیا۔ انہوں نے ہمارے ساتھ تصویر کھنچوائی۔ یہ ایک زبردست ملاقات تھی۔‘

نازیہ ملک نے یہ بھی کہا کہ، ’بالی ووڈ ستاروں کے بارے میں سب سے بڑی بات یہ ہے کہ وہ انتہائی عاجز اور حقیقت پسند لوگ ہیں‘۔