Aaj News

بدھ, فروری 28, 2024  
18 Shaban 1445  

پرویزالہٰی سے اہل خانہ اور وکلاء کی ملاقات، قانونی امور اور انتخابات سے متعلق تبادلہ خیال

پرویز الہٰی کا سیاسی انجیئرنگ پر تشویش کا اظہار، چیف الیکشن کمشنر سے نوٹس لینے کا مطالبہ
شائع 18 نومبر 2023 05:09pm
فوٹو ــ فائل
فوٹو ــ فائل

راولپنڈی اڈیالہ جیل میں سابق وزیراعلیٰ پنجاب چوہدری پرویزالہٰی سے ان کے اہل خانہ اور وکلاء نے ملاقات کی، ملاقات میں قانونی امور اور آئندہ انتخابات سے متعلق تبادلہ خیال کیا گیا، تحریک انصاف کے صدر نے سیاسی انجیئرنگ پر تشویش کا اظہار کرتے ہوئے چیف الیکشن کمشنر سے نوٹس لینے کا مطالبہ کیا۔

اڈیالہ جیل کے ذرائع کے مطابق چوہدری پرویزالہٰی سے ان کے اہل خانہ اور وکلاء کی ملاقات اڈیالہ جیل کے کانفرنس روم میں کروائی گئی۔

ملاقات کرنے والوں میں رازق الہٰی، عثمان ظہور، قیصرہ الہٰی اور زہرہ بی بی شامل تھے جبکہ وکلاء کی ٹیم میں سردارعبدالرازق خان، شمشاد ملہی اور مختاراحمد رانجھا شامل تھے۔

ملاقات میں قانونی امور مقدمات اور آئندہ انتخابات میں قانونی حکمت عملی پرتبادلہ خیال کیا گیا۔

ذرائع کا کہنا ہے کہ چوہدری پرویزالہٰی نے انتخابات سے پہلے پنجاب پولیس اور انتظامیہ کے ذریعے سیاسی انجئیرنگ پرسخت تشویش کا اظہار کیا اور کہا کہ چیف الیکشن کمشنر پولیس اور انتظامیہ کے سیاست میں ملوث ہونے کا نوٹس لیں۔

مزید پڑھیں

اڈیالہ جیل میں صدر پی ٹی آئی پرویز الہٰی سے فیملی کی ملاقات

پرویز الٰہی کو گھر نہ پہنچانے کا معاملہ: پولیس افسران کیخلاف توہین عدالت کی سماعت بغیر کارروائی ملتوی

غیر قانونی بھرتیاں کیس: پرویز الٰہی مزید 2 روزہ جسمانی ریمانڈ پر اینٹی کرپشن کے حوالے

یاد رہے کہ گزشتہ روز پرویز الہٰی کو اڈیالہ جیل کی بی کلاس میں منتقل کیا گیا تھا جہاں اُنہیں گھر کے کھانے اور اہلِ خانہ سے ملاقات کی سہولت میسر ہے۔

rawalpindi

Chaudhry Pervaiz Elahi

Pervaiz Elahi

Adiyala Jail

Adyala Jail

Comments are closed on this story.

تبصرے

تبولا

Taboola ads will show in this div