بھارتی کرکٹر ویرات کوہلی نے گزشتہ روز اپنی ایک تصویر انسٹاگرام اسٹوری پر پوسٹ کی تھی، جس نے ان کے مداحوں کو پریشان کردیا تھا۔

تصویر میں انہیں سفید ٹی شرٹ میں چہرے پر چوٹوں کے نشانات کے ساتھ دکھایا گیا تھا، ان کی ناک پر ایک بینڈ ایڈ بھی تھا۔

چوٹ کے نشانات کے باوجود ویرات کوہلی مسکرا رہے تھے۔

انہوں نے تصویر کے کیپشن میں لکھا، ’آپ کو دوسرے شخص کو دیکھنا/ملنا چاہیے‘۔

ویرات کی یہ پوسٹ سوشل میڈیا پر تیزی سے وائرل ہوگئی، اور تجسس کو جنم دیا کہ کرکٹ آئیکون کیا اشارہ دے رہے ہیں۔

ان کے انسٹاگرام اسٹوری پر تصویر شیئر کرنے کے بعد مداح پریشان نظر آئے۔

تاہم، فکر کرنے کی کوئی بات نہیں ہے۔

دراصل کوہلی ”پوما انڈیا“ کے ساتھ مل کر ایک اشتہار کی شوٹنگ کر رہے ہیں اور یہ میک اپ شاید شوٹ کے ایک حصے کے طور پر کیا گیا تھا۔