Aaj News

واٹس ایپ نے نیا فیچر ’سیکرٹ کوڈ‘ متعارف کروا دیا

صارفین کے پاس اپنی چیٹ لِسٹ سے لاک شدہ چیٹس فولڈر کو چھپانے کا اختیار ہوگا
شائع 01 دسمبر 2023 10:46am
تصویر: انڈیا ٹوڈے
تصویر: انڈیا ٹوڈے

مقبول میسجنگ موبائل ایپلی کیشن واٹس ایپ نے اپنے لاکھوں صارفین کی حساس گفتگو کو مزید محفوظ بنانے کے لیے اپنا نیا فیچر ’سیکرٹ کوڈ‘ متعارف کروا دیا۔

واٹس ایپ نے چیٹس کی پرائیویسی پروٹوکولز کو مزید بہتر کرنے کیلئے یہ فیچر متعارف کروایا ہے۔

اس نئے فیچر کی مدد سے صارفین اپنے فون کو اَن لاک کرنے والے پاس ورڈ سے مختلف ایک اور منفرد پاس ورڈ سیٹ کرسکتے ہیں تاکہ اپنی لاک شدہ چیٹس کو مزید خفیہ رکھا جاسکے۔

صارفین کے پاس اپنی چیٹ لِسٹ سے لاک شدہ چیٹس فولڈر کو چھپانے کا ایک اوراختیار ہوگا جو صرف اس وقت دستیاب ہوگا جب سرچ بار میں خفیہ کوڈ ٹائپ کیا جائے گا۔

https://i.aaj.tv/large/2023/12/0110334054ac78f.webp?r=103808

اس سال کے اوائل میں واٹس ایپ نے اسی مقصد کے ساتھ چیٹ لاک متعارف کروایا تھا۔

آنے والے مہینوں میں یہ سیکرٹ کوڈ عالمی سطح پر دستیاب ہوگا۔

رواں سال کے اوائل میں پاکستان نے واٹس ایپ کے متبادل کے طور پر اپنی پہلی کمیونیکیشن ایپلی کیشن ’بیپ پاکستان‘ کا پائلٹ لانچ کیا تھا۔

پہلے مرحلے میں یہ فیچر وزارت آئی ٹی اینڈ کمیونیکیشن اور نیشنل انفارمیشن ٹیکنالوجی بورڈ کے درمیان داخلی رابطوں کے لیے استعمال کیا جائے گا۔

TECHNOLOGY

WhatsApp

New Features

lifestyle

Privacy

WhatsApp feature

Mobile Users

Chats

secret code

Comments are closed on this story.

تبصرے

تبولا

Taboola ads will show in this div