Aaj News

ہفتہ, مارچ 02, 2024  
20 Shaban 1445  

پنجاب حکومت کا مارکیٹس ہفتہ اور اتوار معمول کے مطابق کھلے رکھنے کا اعلان

وزیراعلیٰ کا دھواں چھوڑنے والی گاڑیوں کے خلاف مؤثر کریک ڈاؤن جاری رکھنے کا حکم
شائع 01 دسمبر 2023 12:05pm
فوٹو — فائل
فوٹو — فائل

لاہور سمیت پنجاب بھر میں اسموگ کی صورتحال میں بہتری آنے کے بعد ہفتہ اور اتوار کو مارکیٹس اور تمام کاروباری مراکز معمول کے مطابق کھلے رکھنے کا اعلان کردیا گیا۔

نگراں وزیراعلیٰ پنجاب محسن نقوی کی زیر صدارت کابینہ کمیٹی برائے انسداد اسموگ کا اجلاس ہوا جس میں اسموگ کی صورتحال میں بہتری پر اہم فیصلے کیے گئے۔

محسن نقوی نے کہا کہ تعلیمی ادارے کل بروز ہفتہ بند رہیں گے تاہم مارکیٹیں، بازار، ریسٹورنٹس اور دیگر بزنس ہاؤسز بھی کل پرسوں معمول کے مطابق کھلے رہیں گے۔

نگراں وزیراعلیٰ نے حکام کو سڑکوں کی صفائی اور پانی کے چھڑکاؤ کا عمل بدستور جاری رکھنے کی ہدایت کی جب کہ دھواں چھوڑنے والی گاڑیوں کے خلاف مؤثر کریک ڈاؤن کا حکم دیا۔

یہ بھی پڑھیں:

لاہور اسموگ: عدالت کا تجارتی سرگرمیاں رات 10 بجے بند کروانے کا حکم

نگراں وزیر تجارت کی جلد مارکیٹیں بند کرنے کیلئے تاجروں کو ایک ماہ کی مہلت

محسن نقوی کا کہنا تھا کہ ٹائرجلانےوالی فیکٹریوں کےخلاف بھی بلا امتیاز کارروائی جاری رکھی جائے، البتہ اسموگ میں کمی کے لئے جو کچھ انسانی بس میں ہے وہ اقدام اٹھارہے ہیں اور پوری کوشش ہے ایئرکوالٹی انڈیکس کم سے کم رہے۔

markets

smog

Lahore smog

mohsin naqvi

punjab smog

Comments are closed on this story.

تبصرے

تبولا

Taboola ads will show in this div