Aaj News

جمعرات, فروری 29, 2024  
18 Shaban 1445  

عادل راجہ کی جائیداد نیلامی کیلئے کارروائی کا آغاز، پولیس کا مقامی عدالت سے رجوع

درخواست میں عادل راجہ کی جائیدادوں کی تفصیلات بھی فراہم کی گئی ہیں
شائع 08 دسمبر 2023 08:15pm
اسکرین گریب
اسکرین گریب

راولپنڈی پولیس نے عادل راجہ کی جائیداد نیلامی کے لیے کارروائی کا آغاز کردیا، ایس ایچ او تھانہ نصیر آباد نے مقامی عدالت سے باضابطہ رجوع کرلیا۔

سوشل میڈیا پر پاکستان مخالف مہم چلانے والے عادل راجہ کی جائیداد نیلامی کے لیے راولپنڈی کے تھانہ نصیر آباد پولیس نے مقامی عدالت میں درخواست دائر کی ہے۔

پولیس ذرائع نے بتایا کہ سزا یافتہ عادل راجہ کے خلاف تھانہ نصیر آباد میں شہری محمد مسکین بٹ کی درخواست پر مقدمہ درج ہے، ملزم عادل راجہ کے خلاف مقدمے کا چالان جمع کرادیا، ملزم اشتہاری ہے، ملزم ڈیڑھ سال سے دانستہ طور پر گرفتاری سے بچنے کے لیے بیرون ملک میں روپوش ہے۔

درخواست میں عادل راجہ کی جائیدادوں کی تفصیلات بھی فراہم کی گئی ہیں۔

ایس ایچ او تھانہ نصیر آباد نے مقامی عدالت کو درخواست کرتے موقف اپنایا ہے کہ مقدمہ نمبر 848 کے ملزم کے اثاثہ جات بشمول 2 قیمتی پلاٹ، 2 گاڑیاں اور ایک فلیٹ کی نیلامی کا حکم صادر کیا جائے۔

پولیس ذرائع کا کہنا تھا کہ عدالتی حکم ملتے ہی عادل راجہ کے دو پرائیوٹ ہاؤسنگ سوسائٹیز میں پلاٹ، ایک اپارٹمنٹ اور دو گاڑیوں کی نیلامی کردی جائے گی، پولیس نے نیلامی ضابطہ کے تحت تمام کارروائی مکمل کرلی ہے۔

مزید پڑھیں

عادل راجہ کو لندن میں گرفتار کرلیا گیا

میجرعادل راجہ (ر) کا فیس بُک، یوٹیوب چینل بند

rawalpindi

Adil Raja

Adil Raja Arrested

Comments are closed on this story.

تبصرے

تبولا

Taboola ads will show in this div