پاکستان میں محکمہ پولیس نے کرپشن میں تمام اداروں کو پیچھے چھوڑ دیا۔ ٹرانسپیرنسی انٹرنیشنل نے نیشنل کرپشن پر سروے رپورٹ دو ہزار تئیس جاری کردی۔ جس میں محکمہ پولیس 30 فیصد شرح کے ساتھ سب سےکرپٹ ادارہ قرار دیا گیا۔

رپورٹ کے مطابق پاکستان میں محکمہ پولیس سب سے زیادہ کرپٹ ادارہ ہے، رپورٹ میں ٹینڈر اینڈ کانٹریکٹ ڈیپارٹمنٹ کو دوسرے اور عدلیہ کو کرپشن میں تیسرے نمبر پر قرار دیا گیا۔

صوبائی سطح پر اداروں میں شفافیت سے متعلق رپورٹ میں سندھ میں پولیس کا محکمہ سب سے زیادہ کرپٹ ہے، سندھ میں ٹینڈراینڈ کانٹریٹ دوسرے اور تعلیم تیسرے نمبر پر ہے۔

اسی طرح پنجاب میں پولیس پہلے، عدلیہ دوسرے، محکمہ صحت کرپشن میں تیسرے نمبر پر ہے۔

خیبرپختونخوا میں پولیس پہلے، عدلیہ دوسرے، ٹینڈر اینڈ کانٹریکٹ تیسرے نمبرپر ہے۔

بلوچستان میں ٹینڈراینڈکانٹریکٹ پہلے، پولیس دوسرے، عدلیہ تیسرے نمبر پر ہے۔