Aaj News

بدھ, اپريل 24, 2024  
16 Shawwal 1445  

فواد چوہدری کے بھائی فراز چوہدری کو گرفتار کرلیا گیا

فراز چوہدری اپنے بھائی فواد کے غذات نامزدگی جمع کروانے آئے تھے، ذرائع
شائع 22 دسمبر 2023 01:07pm

فواد چوہدری کے بھائی فراز چوہدری کو پولیس نے گرفتارکرلیا، وہ این اے 60 کے لیے غذات نامزدگی جمع کروانے آئے تھے۔

اسلام آباد کی احتساب عدالت نے 20 دسمبر کو سابق وزیراطلاعات فواد چوہدری کو الیکشن کے کاغذت نامزدگی پر دستخط کی اجازت دی تھی۔

فواد چوہدری نے الیکشن کے دیگر امور کیلئے اپنے بھائی فراز چوہدری کے نام پاور آف اٹارنی پر بھی دستخط کردیے تھے۔ تاہم آج فراز چوہدری کو پولیس نے گرفتار کرلیا ہے۔

ذرائع کے مطابق فراز چوہدری اپنے بھائی فواد چوہدری کے این اے 60 کے لئے کاغذات نامزدگی جمع کرانے آئے تھے، لیکن پولیس نے انہیں پہلے ہی گرفتار کرلیا اور نامعلوم مقام پر منتقل کردیا گیا۔

واضح رہے کہ فواد چوہدری نے کمرہ عدالت میں میڈیا سے غیر رسمی بات کرتے ہوئے کہا تھا جہلم کی دونوں سیٹوں سے الیکشن لڑوں گا، اگر نہ لڑ سکا تو گھر کے بڑے چوہدری شہباز فیصلہ کریں گے۔

فواد چوہدری کا کہنا تھا کہ میں نے کسی کو اپنی جگہ نامزد نہیں کیا، میری اہلیہ حباء اور بھائی فیصل صرف میری کمپین چلائیں گے۔

Fawad Chaudhary

PTI Leaders arrested

faraz chaudhary

Comments are closed on this story.

تبصرے

تبولا

Taboola ads will show in this div