لاہور ہائیکورٹ کے جسٹس علی باقر نجفی نے ریٹرننگ افسر کو کاغذات نامزدگی وصول کرنے کا حکم دے دیا۔

سابق سیکرٹری لاہورہائیکورٹ بار کے کاغذات نامزدگی وصول نہ کرنے کے معاملے پرلاہور ہائیکورٹ کے جسٹس علی باقرنجفی نے سرفراز احمد چیمہ کی درخواست پرسماعت کی۔

عدالت نے ریٹرننگ افسر کو کاغذات نامزدگی وصول کرنے کا حکم دے دیا۔

لاہور ہائیکورٹ نے این اے 77 گوجرانوالہ کے آر او کو وصولی کی رسید امیدوار کو فراہم کرنے کا حکم بھی دیا۔

عدالت نے سابق سیکرٹری لاہور ہائیکورٹ بار سرفراز احمد چیمہ کی درخواست نمٹادی۔

درخواست میں مؤقف اختیار کیا گیا کہ قانون کے مطابق کاغذات جمع کرانےاین اے 77 کےریٹرننگ افسر کے سامنے پیش ہوا، ریٹرننگ افسر کاغذات وصول کرکے وصولی کی رسید فراہم کرنے سے انکاری ہے، ریٹرننگ افسر کا اقدام ماورائے آئین، قانون اور بنیادی حقوق کی خلاف ورزی ہے۔