نیوزی لینڈ کیخلاف ٹی ٹوئنٹی سیریز کیلئے پاکستان کرکٹ ٹیم نے آکلینڈ میں تیاریاں شروع کر دیں ہیں، گرین شرٹس نے آکلینڈ میں بھر پور پریکٹس سیشن میں حصہ لیا۔

پریکٹس سیشن تین گھنٹے تک جاری رہا جس میں کھلاڑیوں نے بیٹنگ، بولنگ اور فیلڈنگ کی مشقیں کیں، اس دوران کپتان شاہین شاہ آفریدی نیٹ پر مکمل فٹ نظر آئے۔

نیٹ سیشن میں تمام کھلاڑیوں نے حصہ لیا۔

خیال رہے کہ پاکستان کرکٹ ٹیم نیوزی لینڈ کے خلاف 12 جنوری سے کیویز کی میزبانی میں 5 میچز کی ٹی ٹوئنٹی سیریز کھیلے گی، گذشتہ روز سیریز کے لیے پاکستانی ٹیم کا اعلان کیا گیا تھا جس کی کپتانی شاہین شاہ آفریدی کو سونپی گئی تھی اور محمد رضوان کو نائب کپتان بنایا گیا تھا۔