Aaj News

پیر, اپريل 22, 2024  
13 Shawwal 1445  

اتوار کو غزہ ملین مارچ ہوگا، حافظ نعیم

تمام سیاسی جماعتوں کے ورکرز مارچ میں شریک ہو سکتے ہیں، حافظ نعیم
شائع 11 جنوری 2024 12:59pm
Mufti Muneeb hold press conference with JI’s Hafiz Naeem - Aaj News

امیر جماعت اسلامی کراچی حافظ نعیم الرحمٰن کا کہنا ہے کہ ہمیں سیاسی گہما گہمی میں فلسطینیوں کے معاملے کو پیچھے نہیں رکھنا چاہیے، اتوار کو غزہ ملین مارچ ہوگا۔

کراچی میں رویت ہلال کمیٹی کے سابق چیئرمین مفتی منیب الرحمٰن کے ہمراہ پریس کانفرنس کرتے ہوئے حافظ نعیم الرحمٰن نے کہا کہ اس وقت ملک میں انتخابات کی گہما گہمی ہے، ملک میں ٹکٹوں اور سیٹوں کی تقسیم ہورہی ہے، ایسا لگ رہا ہے لوگوں نے فلسطینیوں کوبھلا دیا ہے، چند ممالک کو چھوڑ کر کوئی مسئلہ فلسطین پر اپنا رول ادا نہیں کررہا۔

انہوں نے کہا کہ اتوار کو غزہ ملین مارچ میں کراچی کے عوام بڑی تعداد میں شریک ہوں گے، ہم سیاست کو عبادت سمجھ کر کرتے ہیں ، یہ مارچ کسی پارٹی کا نہیں، مارچ ہر شعبہ زندگی سے تعلق رکھنے والے شخص کا ہے، سیاسی جماعتوں کے تمام ورکرز مارچ میں شریک ہو سکتے ہیں۔

اس موقع پر گفتگو کرتے ہوئے مفتی منیب الرحمٰن نے کہا کہ جنوبی افریقا نے اسرائیل کے خلاف جنگی جرائم کا مقدمہ کیا، حالانکہ یہ کام اسلامی ممالک کو کرنا چاہیے تھا۔

انہوں نے کہا کہ اگر ہمارے پاس اقتدار اور اختیار ہوتا تو عملی اقدامات بھی کرتے۔

مفتی منیب الرحمٰن کا کہنا ہے کہ پوری انسانیت آج سراپا احتجاج ہے، اسلامی ممالک کو ہراول دستے کا کردار ادا کرنا چاہیے، ہم غزہ ملین مارچ کی مکمل تائید اور حمایت کرتے ہیں۔

karachi

Hafiz Naeem ur Rehman

jamat e islami karachi

mufti muneeb ur rehman

Gaza Million March

Comments are closed on this story.

تبصرے

تبولا

Taboola ads will show in this div