پنجاب میں شدید دھند کے باعث فضائی آپریشن جزوی متاثر ہوا ہے۔ ہفتے کو لاہور میں ملکی اور غیر ملکی پروازوں کا شیڈول متاثر ہوا۔

کراچی سے آنے والی نجی پرواز پی اے 402 پانچ گھنٹے لیٹ ہوئی۔ لاہور سے کراچی جانے والی پرواز ای آر 523 منسوخ کردی گئی۔ لاہور سے کراچی جانے والی پرواز401 کو بھی 10 گھنٹے کی تاخیر ہوئی۔

دبئی جانے والی پروازپی اے 410 تین گھنٹے تاخیر کا شکار ہوئی۔ دبئی سے آنے والی پروازای کے 626 بھی تاخیر کا شکار ہوئی۔

ریاض سے لاہور آنے والی پی آئی اے کی پرواز میں 4 گھنٹے کی تاخیر ہوئی۔

جدہ سے آنے والی نجی پروازپی اے 471 بھی 7 گھنٹے کی تاخیرسے پہنچی۔ لاہور جدہ سے آنے والی نجی پروازپی ایف 721 بھی 3 گھنٹے لیٹ ہوئی۔ لاہور سے جدہ جانے والی پرواز پی اے 870 بھی تاخیر کا شکار ہوئی۔ لاہور سے جدہ جانے والی پروازپی اے 872 پانچ گھنٹے تاخیر کا شکار ہوئی۔ لاہور سے جدہ جانے والی پروازپی کے 725 6 گھنٹے لیٹ ہوئی۔ جدہ جانے والی پرواز پی ایف 720 تین گھنٹے لیٹ ہوئی۔