Aaj News

بدھ, اپريل 17, 2024  
08 Shawwal 1445  

قومی ٹیم کے سابق کپتان شعیب ملک نے دوسری شادی کرلی

کرکٹر نے تصاویر اپنے سوشل میڈیا اکاؤنٹ پر شیئر کیں
اپ ڈیٹ 20 جنوری 2024 03:07pm
تصویر: شعیب ملک/ایکس
تصویر: شعیب ملک/ایکس

پاکستان کرکٹ ٹیم کے سابق کپتان شعیب ملک نے پاکستانی اداکارہ ثناء جاوید سے دوسری شادی کرلی۔

سماجی رابطے کی ویب سائٹ ایکس پرشعیب ملک نے ثناء جاوید کے ہمراہ تصاویر شیئر کرتے ہوئے یہ خبر سنائی۔

انہوں نے تصاویر شیئر کرتے ہوئے لکھا کہ ’الحمداللہ، اور ہم نے تمہیں جوڑوں میں پیدا کیا‘۔

شعیب ملک کے اس اعلان کے بعد اداکارہ ثناء جاوید نے سوشل میڈیا اکاؤنٹ انسٹاگرام پر اپنا نام ’ثناءجاوید‘ سے تبدیل کرکے ’ثناء شعیب ملک‘ رکھ دیا ہے۔

یاد رہے کہ ثنا جاوید نے گلوکار عمیر جیسوال سے پہلی شادی کی تھی جبکہ شعیب ملک نے پہلی شادی بھارتی ٹینس اسٹار ثانیہ مرزا سے کی تھی۔

سوشل میڈیا پر دونوں جوڑوں کے درمیان علیحدگی کی افواہیں سرگرم رہتی تھیں۔ تاہم دونوں کی جانب سے علیحدگی یا طلاق سے متعلق کوئی تصدیق یا تردید نہیں کی گئی تھی۔

جیو نیوز کے مطابق شعیب اور ثناء کی شادی چند روز قبل کراچی میں سرانجام پائی۔

چونکہ ثنا جاوید اور شعیب ملک نے ماضی میں ایک ساتھ کام کیا تھا جس میں کرکٹر نے بطورِ ماڈل ریمپ پر واک کی تھی۔ لہٰذا مداحوں کا خیال تھا کہ یہ تصاویر ان کے ایک فوٹو شوٹ کی ہیں۔

لیکن خاندانی ذرائع اور سب سے اہم شعیب ملک کی سوشل میڈیا پوسٹ نے شادی کی تصدیق کردی۔

یہ ایک نجی خاندانی تقریب تھی، جس میں صرف خاندان کے قریبی افراد نے ہی شرکت کی۔

کیا شعیب ملک اور ثانیہ مرزا کے درمیان علیحدگی ہوگئی؟

شعیب ملک کرکٹ کی دنیا کا ایک بڑا نام ہیں، جبکہ ثانیہ مرزا مشہور بھارتی ٹینس اسٹار ہیں۔ یہ جوڑا اپریل 2010 میں شادی کے بندھن میں بندھا تھا۔ ثانیہ مرزا اور شعیب ملک کے ہاں شادی کے آٹھ سال بعد 2018 میں بیٹے کی ولادت ہوئی تھی۔

دسمبر 2022 میں بھارتی میڈیا پر اس جوڑے کے درمیان اختلافات کی افواہیں گردش کر رہی تھیں۔ لیکن دونوں کی جانب سے اس حوالے سے کوئی وضاحت نہیں کی گئی تھی۔

شعیب ملک کی ثنا جاوید سے شادی کے بعد بھی شعیب اور ثانیہ کے درمیان طلاق سے متعلق کوئی تصدیق نہیں سامنے آئی۔

ثنا جاوید اور گلوکار عمیر جیسوال کے درمیان طلاق کی افواہیں

ثنا جاوید اور عمیر جیسوال اکتوبر 2020 میں رشتہ ازدواج میں بندھے تھے۔ اس جوڑے کے درمیان علیحدگی کی افواہیں اس وقت سرگرم ہوئی جب دونوں نے نکاح کی تصاویر اپنے سوشل میڈیا اکاؤنٹ سے ہٹائی تھیں۔ تاہم اس جوڑے نے بھی علیحدگی سے متعلق کوئی تصدیق نہیں کی تھی۔

Shoaib Malik

Sania Mirza

lifestyle

sana javed

Shoaib Malik Sana Javed Marriage

Comments are closed on this story.

تبصرے

تبولا

Taboola ads will show in this div