Aaj News

بدھ, مئ 29, 2024  
20 Dhul-Qadah 1445  

پیپلز پارٹی اور ن لیگ کے درمیان مشترکہ حکومت سازی پر اتفاق ہوگیا

این اے 127 میں انتخابی نتائج چیلنج کرنے پر بھی مشاورت ہوگی
اپ ڈیٹ 09 فروری 2024 11:26pm
علامتی تصویر: اے پی پی
علامتی تصویر: اے پی پی

سابق صدر آصف علی زرداری اور پاکستان پیپلز پارٹی کے چئیرمین بلاول بھٹو ہنگامی طور پر لاہور پہنچ گئے ہیں جہاں ان کی محسن نقوی کی رہائش گاہ پر مسلم لیگ (ن) کی قیادت سے ملاقات ہوئی۔

شہباز شریف نے آصف علی زرداری سے ٹیلی فونک رابطہ کیا تھا اور ان سے ملاقات کی خواہش کا اظہار کیا تھا۔

مسلم لیگ (ن) کے قائد نواز شریف نے اپنے حالیہ بیان میں کہا تھا کہ انہوں نے حکومت بنانے کیلئے شہباز شریف کو آصف زرداری سمیت دیگر اتحادیوں سے ملاقاتوں کو ٹاسک سونپا ہے۔

ہم بکاؤ پارلیمنٹ میں نہیں جائیں گے، محمود خان اچکزئی

جس کے بعد شہباز شریف اور اسحاق ڈار نے آصف علی زرداری سے ملاقات کی اور نواز شریف کا پیغام پہنچایا، شہباز شریف نے آصف زرداری کو مشترکہ حکومت سازی کی دعوت دی۔

ذرائع کے مطابق آصف زرداری اور شہبازشریف کے درمیان مل کر حکومت سازی پر اتفاق رائے ہوچکا ہے اور آئندہ ملاقات میں معاملات کو باہمی مشاورت کے ساتھ حتمی شکل دی جائے گی۔

ذرائع کے مطابق آصف زرداری اور بلاول لاہور میں اپنی پارٹی کے رہنماؤں سے بھی ملاقات کریں گے، جبکہ این اے 127 میں انتخابی نتائج چیلنج کرنے پر بھی مشاورت ہوگی۔

Nawaz Sharif

Shehbaz Sharif

Asif Ali Zardari

lahore

Bilawal Bhutto Zardari

PAKISTAN MUSLIM LEAGUE (PMLN)

Election 2024

GENERAL ELECTION 2024

NA 127

election 2024 results

Pakistan Elections 2024