Aaj News

بدھ, مئ 29, 2024  
20 Dhul-Qadah 1445  

آصفہ بھٹو کو بینظیر بھٹو کی نشست سے منتخب کرانے کا فیصلہ

بلاول بھٹو نے این اے 196 قمبر شہداد کوٹ کی نشست چھوڑنے کا فیصلہ کرلیا
اپ ڈیٹ 23 فروری 2024 06:02pm

پاکستان پیپلزپارٹی کے چئیرمین بلاول بھٹو زرداری نے قومی اسمبلی کے حلقہ این اے 196 قمبر شہداد کوٹ کی نشست چھوڑنے کا فیصلہ کرلیا۔

سابق وزیر خارجہ بلاول بھٹو نے این اے 196 قمبر شہداد کوٹ والی نشست چھوڑنے کا فیصلہ کیا ہے جبکہ چیئرمین پیپلز پارٹی قومی اسمبلی کے حلقہ این اے 194 لاڑکانہ کی نشست اپنے پاس رکھیں گے۔

یاد رہے کہ بلاول بھٹو زرداری 2 نشستوں سے رکن قومی اسمبلی منتخب ہوئے تھے۔

بلاول بھٹو زرداری این اے 196کی نشست چھوڑیں گے جس کے بعد ضمنی انتخاب میں آصفہ بھٹو اس نشست پر پیپلزپارٹی کی امیدوار ہوں گی۔

واضح رہے کہ قومی اسمبلی کے حلقہ این اے 196 قمبر شہداد کوٹ پر ماضی میں بے نظیر بھٹو بھی الیکشن لڑ چکی ہیں۔

دوسری جانب بلاول بھٹو زرداری نے خود پر دھاندلی کا الزام لگانے والوں کے خلاف قانونی چارہ جوئی کا اعلان کردیا۔

بلاول بھٹو زرداری نے اپنے انتخابی حلقے کے تمام فارم 45 عوام کے سامنے رکھ دیے اور کہا کہ فارم 47 کے مطابق میں نے ایک لاکھ 35 ہزار 112 ووٹ لیے ہیں جو میری حریف پر ایک لاکھ سے زیادہ کی برتری ہے۔

انہوں نے کہا کہ این اے 194 سے ایک فراڈیے نے لاڑکانہ میں میری کامیابی کو دھاندلی سے تعبیر کرنے کا دعویٰ کیا ہے۔

karachi

benazir bhutto

PPP

asifa bhutto

Bilawal Bhutto Zardari

Qambar Shahdadkot

Pakistan People's Party (PPP)

Election 2024

GENERAL ELECTION 2024

Pakistan Elections 2024

national assembly seats