Aaj News

جمعرات, اپريل 25, 2024  
16 Shawwal 1445  

پاکستان میں سوشل میڈیا صارفین کی تعداد7 کروڑ تک پہنچ گئی

ملک بھر میں ڈجیٹل سروسز استعمال کرنے کا رجحان مزید مضبوط، پی ٹی اے کے اعداد و شمار
اپ ڈیٹ 24 فروری 2024 04:28pm

پاکستان ٹیلی کمیونی کیشن اتھارٹی (پی ٹی اے) نے بتایا ہے کہ ڈجیٹل پلیٹ فارمز استعمال کرنے والوں کی تعداد میں بھی اضافہ ہوا ہے اور استعمال میں اضافے کا رجحان بھی عام ہے۔

ایک رپورٹ میں پی ٹی اے نے بتایا کہ یہ سب کچھ ریگیولیٹری فریم ورک میں لچک پیدا کرنے کی بدولت ممکن ہوسکا ہے۔

پاکستان کی آبادی میں نوجوانوں کی تعداد نمایاں ہے۔ سوشل میڈیا پلیٹ فارم استعمال کرنے والوں کی تعداد کم و بیش 7 کروڑ ہے۔ اس کے نتیجے میں گلوبل ڈجیٹل لینڈ اسکیپ سے اچھا تعلق ممکن ہوسکا ہے۔

پی ٹی اے کی دستاویزات سے ٹریفک سے متعلق اہم اعداد و شمار کا پتا چلا ہے۔

بیڈوتھ کا یومیہ استعمال اٹھارہ اعشاریہ صرف تین ٹیرا بائٹ فی سیکنڈ تک پہنچ چکا ہے۔ کونٹینٹ ڈلیوری نیٹ ورکس بارہ اعشاریہ تین آٹھ ٹیرا بائٹ فی سیکنڈ کی سہولت فراہم کر رہے ہیں۔

کیریئر لیول سروسز پرووائڈرز کی طرف سے پانچ اعشاریہ چھ پانچ ٹیرا بائٹ فی سیکنڈ کی سہولت دستیاب ہے۔ کونٹینٹ ڈلیوری نیٹ ورکس استعمال کی جانے والی بینڈوتھ کا 68.5 فیصد حصہ فراہم کر رہے ہیں۔ اس کے نتیجے میں انٹرنیٹ سروس کا معیار بلند ہو رہا ہے اور لاگت کو معقول بنانے میں مدد مل رہی ہے۔

پی ٹی اے ڈیٹا کے مطابق بینڈوتھ کے یومیہ استعمال کا 37.55 فیصد میٹا ٹریفک سے تعلق رکھتا ہے۔ گوگل کا حصہ 30.18 فیصد اور اکامائی کا حصہ 16.79 فیصد ہے۔ دیگر قابلِ ذکر پوٹلز میں ٹک تاک، ٹینسینٹ اور نیٹفلکس شامل ہیں۔

یہ بھی پڑھیں : پاکستان میں سوشل میڈیا نیٹ ورک ڈاؤن، صارفین پریشان

پاکستان پر اسرائیل کو اسلحہ فراہم کرنے کا سوشل میڈیا پر جاری پروپیگنڈا بے نقاب

اس وقت 40.5 فیصد آن لائن ٹریفک پی ٹی سی ایل کے ذریعے ہو رہی ہے۔ ان اعداد و شمار سے اندازہ لگایا جاسکتا ہے کہ اس وقت ملک کی آبادی کا ایک بڑا حصہ رابطوں، تفریح اور تعلیم و تعلم کے لیے آن لائن کلچر اپنائے ہوئے ہے اور یہ رجحان دن بہ دن قوی تر ہوتا جارہا ہے۔

google

Pakistan Telecommunication Authority

meta

Social media platforms

BANDWIDTH USAGE

Comments are closed on this story.

تبصرے

تبولا

Taboola ads will show in this div