Aaj News

بدھ, اپريل 17, 2024  
08 Shawwal 1445  

سوشل میڈیا پر پابندی پارلیمنٹ کی اجازت سے ہونی چاہیے، نفیسہ شاہ

انٹرنیٹ بند کرنے سے دنیا میں اچھا امیج نہیں گیا، سینیٹر افنان اللہ
شائع 05 مارچ 2024 12:19am
Is reconciliation possible in the current situation or not?| Spot Light | Aaj News

پیپلزپارٹی کی رہنما نفیسہ شاہ نے کہا ہے کہ شوسل میڈیا پر پابندی پارلیمنٹ کی اجازت سے ہونی چاہیے، انٹرنیٹ کی بندش کے معاملے کو پارلیمنٹ میں اٹھاؤں گی۔ پاکستان مسلم لیگ ن کے رہنما سینیٹر افنان اللہ نے کہا ہے کہ انٹرنیٹ بند کرنے سے دنیا میں اچھا امیج نہیں گیا۔

آج نیوز کے پروگرام “ اسپاٹ لائٹ“ میں گفتگو کرتے ہوئے نفیسہ شاہ نے کہا کہ ملک کو کشیدگی کی سیاست سے بچانا چاہتے ہیں، سیاسی استحکام کے لئے مفاہمت ضروری ہے۔

انھوں نے کہا کہ پیپلزپارٹی جمہوریت کے استحکام کے لیے جدوجہد جاری رکھے گی۔

ان کا یہ بھی کہنا تھا کہ مخصوص نشستوں کے معاملے پر صدارتی اور سینیٹ الیکشن نہیں رکنا چاہیے۔

لیگی رہنما اور سینیٹر افنان اللہ نے کہا کہ انٹرنیٹ بند نہیں ہونا چاہیے، انٹرنیٹ بند کرنے سے دنیا میں اچھا امیج نہیں گیا۔

ان کا کہنا تھا کہ موجودہ صورتحال میں تمام کشیدگی کو گفتگو سے ہی حل کیا جاسکتا ہے۔

انھوں نے کہا کہ مخصوص نشستوں کے معاملے کو حل کرنے کیلئے قانون میں ترمیم کرنا ہوگی۔

پاکستان تحریک انصاف کے وائس چیئرمین شاہ محمود قریشی کے صاحبزادے زین قریشی نے کہا کہ انٹرنیٹ بند کرنا مسئلے کا حل نہیں ہے۔

انھوں نے کہا کہ انٹرنیٹ کی بندش سے لوگوں کا کاروبار متاثر ہورہا ہے، انٹرنیٹ پر پابندی فوری ختم ہونی چاہیے۔

PM Shehbaz Sharif

Internet Down

election 2024 results

Sunni Ittehad Council

women reserved seats

Comments are closed on this story.

تبصرے

تبولا

Taboola ads will show in this div