پاکستان سپر لیگ کے نویں سیزن میں شائقین کودلچسپ کھیل کے ساتھ ساتھ دلچسپ ویڈیوز بھی دیکھنے کو مل رہی ہیں۔ نسیم شاہ اور اعظم خان کی ایسی ہی ایک ویڈیو دیکھنے والوں کو خوب محظوظ کررہی ہے۔

اسلام آباد یونائیٹڈ کے کھلاڑیوں نے دوران پرواز کیفی خلیل کا زبان زد عام گانا ’کہانی سنو‘ گا کردل جیت لیے۔

پی ایس ایل سیزن 9 کے 27ویں میچ میں اسلام آباد یونائیٹڈ نے ملتان سلطانزکو شکست د ینے کے بعد ’پلے آف‘ مرحلے کے لیے کوالیفائی کیا تھا جس کا جشن اعظم خان اور نسیم شاہ نے اپنی گائیکی سے منایا۔

دونوں کھلاڑیوں کی یہ ویڈیو سوشل میڈیا پرخوب وائرل ہے۔

واضح رہے کہ اسلام آباد یونائیٹڈ پلے آف کے لیے کوالیفائی کرنے والی تیسری ٹیم ہے۔

اس میچ کے بعد یونائیٹڈ نے راولپنڈی سے کراچی کے لیے اُڑان بھری اور یہ ویڈیو اسی پرواز کے دوران بنائی گئی ہے۔