خیبرپختونخوا کے مشیر اطلاعات بیرسٹر محمد علی سیف نے گورنر کے پی کے سے استعفیٰ کا مطالبہ کر دیا۔ بیرسٹر محمد علی سیف نے کہا کہ گورنر کو سیاسی تنازعات پیدا کرنے کی عادت پرانی ہے گورنر خیبر پختونخوا باعزت طریقے سے اپنا استعفی دیں۔

کے پی کے کے مشیر اطلاعات نے کہا کہ گورنر کا اسمبلی بلانا آئینی ،اخلاقی اور قواعد وضوابط کی خلاف ورزی ہے، اجلاس بلانا اسپیکر کی صوابدید ہے گورنر صرف درخواست بھیج سکتا ہے۔گورنر کو سیاسی تنازعات پیدا کرنے کی عادت پرانی ہے۔

بیرسٹر سیف کا مذید کہنا تھا کہ صوبائی حکومت کی اس سلسلے میں وکلاء سے مشاورت جاری ہے۔ خیبر پختونخوا کے عوام نے عام انتخابات میں انکی پارٹی کو بری طرح مسترد کیا ہے۔ گورنر فی الفور استعفیٰ دیدیں تاکہ صوبہ کی عوام کو ریلیف مل سکے۔