آج ملک بھر میں 21 رمضان کو یوم شہادت حضرت علیؓ عقیدت و احترام کے ساتھ منایا گیا، یوم علیؓ کی مناسبت سے ملک بھر میں مجالس برپا کی گئیں اور جلوس نکالے گئے۔

آج ٹی وی کی افطار ٹرانسمیشن باران رحمت میں شہادت حضرت علی رضی اللہ عنہ کی شان پر طویل گفتگو کی گئی ، پروگرام میں شریک مہمانوں نے حضرت علیؓ کے فضائل بیان کئے ۔

پروگرام میں گفتگو کرتے ہوئے موٹویشنل اسپیکر ارم ضیا نے زندگی گزارنے کیلئے حضرت علیؓ کی بتائی گئی 6 نصیحتیں بھی بیان کیں ۔

ارم ضیا نے بتایا کہ حضرت علیؓ فرماتے ہیں ان 6 چیزوں کی کبھی شکایت نہ کرنا

اپنے قسمت کی

اپنے بچوں کے سامنے اپنے بڑوں کی

اپنا ذاتی گھر ہوتے ہوئے اس کی تنگی کی

اپنے ماں باپ اور اساتذہ کی

غیر کے سامنے اپنے دوست کی

رخصت کرنے کے بعد اپنے مہمان کی