اسلام آباد بنی گالہ کے علاقے میں واقع گھر میں رواں سال کی ڈکیتی کی بڑی واردات ہوئی، جہاں ڈاکو3 کروڑ مالیت کے ہیرے، سونا، نقدی، ڈالر اور قیمتی گھڑیاں لوٹ کر فرار ہوگئے۔

تھانہ بنی گالہ میں شہری عبداللہ حسن کی مدعیت میں واردات کا مقدمہ درج کرلیا گیا۔

شہری نے بتایا کہ ایف الیون میں موجود تھا میرے پاورچی نے کال کرکے بتایا گھر میں ڈاکو گھس آئے، 2 مسلح ڈاکوؤں نے باورچی کی آنکھوں پر پٹی باندھی، جس کے بعد ڈاکو تین کروڑ مالیت کے ہیرے سونا نقدی ڈالر قیمتی گھڑیاں لوٹ کر فرار ہوگئے۔

مقدمے میں بتایا گیا کہ ملزمان نے الماری سے ایک کروڑ مالیت کے ہیرے 35 تولہ سونا، 75 لاکھ روپے کی 10 گھڑیاں، 15 ہزار ڈالر، ساڑھے 3 لاکھ نقدی اور قیمتی پرفیوم لوٹ کر لے گئے۔

پولیس کے مطابق تھانہ بنی گالہ پولیس نے واقع کی تحقیقات شروع کردی ہیں۔