مودی حکومت نے معروف سوشل میڈیا پلیٹ فارم X پر اپنے مخالفین کے 2 لاکھ سے زائد اکاؤنٹ دہشت گردی اور نازیبا مواد پھیلانے کے الزام کے تحت بند کرادیے۔

ٹائمز آف انڈیا کے مطابق X کی انتظامیہ نے 26 فروری اور 25 مارچ کے دوران بھارت میں 2 لاکھ 13 ہزار سے زائد اکاؤنٹ بند کیے۔

ایک بیان میں سوشل میڈیا پلیٹ فارم نے کہا کہ بند کیے جانے والے ان اکاؤنٹس سے بچوں کے جنسی استحصال سے متعلق اور نازیبا مواد اپ لوڈ کیا جارہا تھا۔

ٓسوشل میڈیا پلیٹ فارم کی انتظامیہ نے یہ کارروائی مختلف الزامات کے تحت موصول ہونے والی شکایات کا جائزہ لینے کے بعد کی ہے۔ اس کارروائی کے لیے X کی انتظامیہ کو 5158 شکایات موصول ہوئی تھیں۔