وزیر اعلیٰ خیبرپختونخوا علی امین گنڈا پور نے کہا ہے کہ تجربے نہ کریں، یقین ہے ضمیر جاگیں گے۔ بانی پی ٹی آئی بہت جلد جیل سے باہر ہوں گے۔

راولپنڈی میں انسداد دہشت گردی عدالت کے باہر میڈیا سے گفتگو میں علی امین گنڈا پور نے کہا کہ جب ضمیر جا گتے ہیں تو کہا جاتا ہے یہ ذہنی مریض ہے۔

انھوں نے کہا کہ بانی پی ٹی آئی عوام کو حقیقی آزادی دلانے کیلئے جدوجہد کرتے رہیں گے، عمران خان کو جعلی کیسز میں بند کیا گیا ہے۔

ان کا کہنا تھا کہ ملک میں سب سے بڑا مینڈیٹ تحریک انصاف کو ملا، پی ٹی آئی سے مینڈیٹ چھین کر فارم 47 والوں کو دیا گیا، اور جب فارم 47 بنانیوالے نے اعتراف کیا تو اسے ذہنی مریض قرار دیا گیا۔