صوبائی وزیر سیاحت و ثقافت نوادرات و آرکائیوز سید ذوالفقار علی شاہ سے انور مقصود کے فرزند و موسیقار بلال مقصود کی ملاقات ہوئی ہے ۔

ملاقات میں بلال مقصود نے صوبائی وزیر کو ثقافت کے حوالے سے اپنے پروجیکٹ پر بریفنگ دی۔

صوبائی وزیر سید ذوالفقار علی شاہ نے ثقافت کے حوالے سے بلال مقصود کے اقدام کو سراہا۔

سید ذوالفقار علی شاہ نے کہا کہ ثقافت کو پروموٹ کرنے کیلئے محکمے کی طرف سے ہر ممکن مدد کی جائے گی۔

اس موقع پر سیکریٹری کلچر خالد چاچڑ، ڈی جی کلچر منور مہیسر، ڈائریکٹر حبیب اللہ میمن، محمد انتصارالدین اور دیگر بھی موجود تھے۔