موسم گرما کی آمد کے ساتھ ہی مچھروں کی بھنبھناہٹ ملیریا اور ڈینگی کے خطرات کا الارم دینے لگتی ہیں،ایسے میں کوائل اور لوشن کے ساتھ ساتھ مچھردانی بھی ان مہلک امراض سے بچاؤمیں اہم کام انجام دیتی ہیں۔

ملک کے دیگر شہروں کی طرح وفاقی دارالحکومت میں بھی مچھردانیاں عام دستیاب ہیں۔ کیمپنگ کے شوقین یا باہراوپن جگہ پر سونے والے خاص طورپرمچھرسے بچنے کے لئے اس کا استعمال کرتے ہیں۔

مچھردانیاں فروخت کرنے والوں کا کہنا ہے کہ گزشتہ کچھ عرصہ میں مچھردانیوں کے استعمال میں اضافہ دیکھنے میں آرہا ہے۔

آجکل زیادہ ترایسی مچھردانیاں دستیاب ہیں جوچھت سے لٹکا کر بسترکے اوپرتان دی جاتی ہیں چارپائی یا بیڈ کے اوپر رکھنے والی مچھردانیاں بھی مارکیٹ میں موجود ہیں،،ان کے اندر داخل ہونے کے لئے ایک زپ لگی ہوتی ہے۔