Aaj News

اتوار, جون 23, 2024  
16 Dhul-Hijjah 1445  

پاکستان کو جی ایس پی پلس اسٹیٹس کے کیلیے نئی درخواست دینی ہوگی، سفیر بلجیم

جی ایس پی پلس کا نیا ضابطہ بہت جلد نافذ العمل ہو جائے گا، چارلس ڈیلوگن
شائع 21 مئ 2024 01:54pm

بلجیم کے سفیر چارلس ڈیلوگن نے کہا ہے کہ پاکستان کو جی ایس پی پلس کے تحت نئے ریگولیشن کے لئے درخواست دینی ہوگی اور جی ایس پی پلس کے تحت نئے ضابطے پر عمل درآمد کرنا ہو گا۔

بزنس ریکارڈر کی رپورٹ کے مطابق کراچی چیمبر آف کامرس اینڈ انڈسٹری (کے سی سی آئی) کے اجلاس سے خطاب کرتے ہوئے بلجیم کے سفیر نے کہا کہ اگرچہ یورپی یونین نے پاکستان کے لیے جی ایس پی پلس کو مزید چار سال یعنی 2027 تک توسیع دی ہے لیکن جی ایس پی پلس کا نیا ضابطہ بہت جلد نافذ العمل ہو جائے گا۔

انہوں نے کاروباری برادری پر زور دیا کہ وہ سیاسی حکام کو اس حقیقت سے آگاہ کریں کہ پاکستان کو جی ایس پی پلس کے تحت نئے ریگولیشن کے لئے درخواست دینی ہوگی۔

سفیر نے کہا کہ پاکستان جی ایس پی پلس معاہدے کا بہتر استعمال کر رہا ہے جس سے یورپی یونین پاکستان کا اہم تجارتی شراکت دار بن گیا ہے۔

ان کا کہنا تھا کہ سال 2023 وہ سال تھا جب بلجیم اور پاکستان کے درمیان دو طرفہ تجارت متوازن رہی جو کہ خوش آئند ہے، کیونکہ بلجیم پاکستان کو درپیش ادائیگیوں کے بحران میں حصہ نہیں ڈال رہا ہے۔

pakistan economy

gsp plus