جارہانہ بالنگ کرانے والے حارث رؤف کی والدہ اور اہلیہ کے ہمراہ کرکٹ کھیلنے کی ویڈیو سوشل میڈیا پر وائرل ہو رہی ہے۔

حارث رؤف نے اپنی ویڈیو سوشل میڈیا ایپلیکیشن انسٹاگرام پر پوسٹ کی جہاں وہ سُہانے موسم سے لطف اندوز ہوتے ہوئے اپنے گھر کے ٹیرس پر کرکٹ کھیل رہے ہیں۔

ویڈیو میں دیکھا جا سکتا ہے کہ حارث رؤف اپنی والدہ کو گیند کروا رہے ہیں تو کہیں اپنی اہلیہ مزنا اور والدہ کی بالنگ پر شاٹ کھیل رہے ہیں۔

مذکورہ ویڈیو کے کیپشن میں حارث رؤف نے لکھا ’میری خوشیوں بھری جگہ‘ ، حارث اپنی والدہ اور اہلیہ کے ساتھ کرکٹ کھیلتے ہوئے بہت خوش نظر آئے۔

خیال رہے حارث رؤف گذشتہ سال جولائی کے مہینے میں مزنا مسعود کے ساتھ شادی کے بندھن میں بندھے جس کی تصاویر سوشل میڈیا پر کافی وائرل ہوئی تھیں۔