وزیر اعظم شہباز شریف جون کے پہلے ہفتے میں چین کے دورے پر روانہ ہوں گے۔

ذرائع کے مطابق وزیراعظم شہباز شریف کے ہمرا وفاقی وزرا بھی دو یا تین روز ہ دورے پر چین روانہ ہوں گے۔

ذرائع کا کہنا ہے کہ وزیراعظم شہباز شریف کے دورہ چین میں ایم ایل ون اور سی پیک فیز 2 کے معاہدوں پر دستخط کا امکان ہے۔

ذرائع کے مطابق دورے کے دوران وزیراعظم شہبازشریف چینی صدر اور وزیراعظم اور پاکستان میں سرمایہ کاری سے متعلق چینی سرمایہ کاروں سے بھی ملاقات کریں گے۔

ذرائع کا مزید بتانا ہے کہ وزیراعظم کے دورہ چین کیلئے چار تا چھ جون اور چار تا سات جون کی تاریخیں تجویز کردی گئیں۔