Aaj News

ہفتہ, جون 15, 2024  
08 Dhul-Hijjah 1445  

عافیہ کو اپنے ہاں ٹھہرانے والی افغان فیملی کا پتا چل گیا، ڈاکٹر فوزیہ

بہن کمزور لگ رہی تھیں، سر پر بجلی کے جھٹکے بھی لگائے گئے، حکومت واپس لائے، میڈیا سے گفتگو
اپ ڈیٹ 10 جون 2024 11:42am

ڈاکٹر فوزیہ صدیقی نے بتایا ہے کہ ان کے وکیل نے افغانستان میں اس فیملی کو بھی ڈھونڈ نکالا ہے جس نے ڈاکٹر فوزیہ صدیقی کو اپنے ہاں رکھا تھا۔ پچھلی اور موجودہ حکومت ڈاکٹر عافیہ صدیقی کی اسیری کے جرم میں برابر کی شریک ہیں۔ حکومت عافیہ کی وطن واپسی کے لیے کوشش کرے۔

امریکا میں ڈاکٹر عافیہ صدیقی سے ملاقات کے بعد وطن واپسی پر ڈاکٹر فوزیہ صدیقی نے بتایا کہ ملاقات کے دوران شیشے کی دیوار حائل تھی اس لیے ہم دونوں بہنیں تین گھنٹے تک چیخ چیخ کر باتیں کرتی رہیں۔ فون کام نہیں کر رہا تھا۔

کراچی ایئر پورٹ پر میڈیا سے گفتگو فوزیہ صدیقی نے بتایا کہ اس بار عافیہ زیادہ کمزور لگ رہی تھیں۔ معلوم ہوا ہے کہ اُن کے سر پر بجلی کے جھٹکے بھی لگائے گئے۔

ڈاکٹر فوزیہ صدیقی نے حکومت پر زور دیا کہ قوم کا دیرینہ مطالبہ پورا کرتے ہوئے ڈاکٹر عافیہ کو وطن لانے کے انتظامات کیے جائیں اور اس حوالے سے عالمی اداروں کے ذریعے بھی امریکی حکومت پر دباؤ ڈالا جائے۔

DR FAUZIA SIDDIQUI

DR AFIA SIDDIQUI

ELEICTRIC SHOCKS

NO PHONE

GLASS PARTITION