Aaj News

اتوار, جون 23, 2024  
16 Dhul-Hijjah 1445  

عدالت نے شاہ محمود قریشی کا 9 مئی کے مقدمات میں مزید جسمانی ریمانڈ دے دیا

انسداد دہشت گردی عدالت کے جج خالد ارشد نے محفوظ فیصلہ جاری کردیا
اپ ڈیٹ 28 مئ 2024 10:14pm

لاہور کی انسداد دہشت گردی عدالت نے 9 مئی کے حوالے سے 8 مقدمات میں پی ٹی آئی کے رہنما شاہ محمود قریشی کا 9 روزہ جسمانی ریمانڈ منظور کرلیا۔

انسداد دہشت گردی عدالت کے جج خالد ارشد نے محفوظ فیصلہ جاری کردیا، فیصلے میں کہا گیا ہے شاہ محمود قریشی کو تفتیش کے لیے 5 جون کو عدالت کے روبرو پیش کیا جائے۔

فیصلے میں مزید کہا گیا کہ شاہ محمود قریشی سے ویڈیو لنک کے ذریعے تفتیش کی جائے، پولیس نے شاہ محمود قریشی سے تفتیش کرنی ہے، تفتیشی کے مطابق ملزم نے سوشل میڈیا پر ویڈیوز اور پیغامات جاری کیے۔

عدالتی فیصلے میں یہ بھی کہا کہ ملزم کی جانب سے سوشل میڈیا پر اپ لوڈ تمام مواد فرانزک لیب بھیجوا دیا گیا ہے۔

پراسکیوشن نے شاہ محمود قریشی کے 30 دن کے جسمانی ریمانڈ کی استدعا کی تھی۔

pti

Shah Mehmood Qureshi

lahore

9 May

MAY 9 RIOTS

Pakistan Tehreek Insaf (PTI)

9 May Cases

9 may incident