Aaj News

جمعرات, جون 13, 2024  
06 Dhul-Hijjah 1445  

پاک انگلینڈ چوتھا ٹی 20 میچ شروع ہونے سے قبل بُری خبر آگئی

پاکستانی وقت کے مطابق میچ کا آغاز رات ساڑھے 10 بجے ہونا ہے
شائع 30 مئ 2024 09:26pm

پاکستان اور انگلینڈ کے درمیان چوتھا ٹی 20 بھی بارش سے متاثر ہونے کا خدشہ ہے۔

انگلینڈ اور پاکستان کے درمیان 4 میچز پر مشتمل ٹی 20 سیریز کا آخری میچ آج لندن کے اوول گراؤنڈ میں کھیلا جانا ہے ۔

پاکستانی وقت کے مطابق میچ کا آغاز رات ساڑھے 10 بجے ہوگا تاہم میچ سے قبل لندن میں تیز بارش شروع ہوگئی اور خدشہ ہے کہ پاکستان اور انگلینڈ کا چوتھا ٹی 20 بھی بارش سے متاثر ہوگا۔

دی ویدر چینل نے لندن میں بارش کے 42 فیصد امکانات کی پیش گوئی کی ہے۔

پاکستان اور انگلینڈ کے درمیان پہلا ٹی 20 اچانک منسوخ کردیا گیا

اس سے قبل پاکستان اور انگلینڈ کے درمیان دو میچز بارش کی وجہ سے منسوخ ہوچکے ہیں، 22 مئی کو لیڈز میں ہونے والا سیریز کا پہلا میچ جبکہ 28 مئی کو کارڈف کے صوفیہ گارڈنز میں ہونے والا تیسرا ٹی 20 بھی بارش کی وجہ سے منسوخ کر دیا گیا تھا۔

25 مئی کو دوسرے ٹی 20 میں انگلینڈ نے پاکستان کو 23 رنز سے شکست دے کر سیریز میں 0-1 کی برتری حاصل کی تھی۔

دریں اثنا میڈیا رپورٹس کے مطابق انگلینڈ میں پاکستانی کرکٹرز کی سیکیورٹی میں اضافہ کردیا گیا ہے، سیکیورٹی بڑھانے کی درخواست چیئرمین پی سی بی محسن نقوی نے کی تھی۔

انگلینڈ نے پاکستان کودوسرے ٹی 20 میچ میں 23 رنزسےشکست دے دی

یہ فیصلہ شائقین کی جانب سے کپتان بابر اعظم کو ہوٹل کے باہر گھیرنے کی ویڈیوز وائرل ہونے کے بعد سامنے آیا ہے۔

london

t20 series

t20 cricket

Pakistan vs England

pak vs england

pakistna vs england