Aaj News

ہفتہ, جون 15, 2024  
08 Dhul-Hijjah 1445  

بھارت میں حادثہ، سلمان اور شاہ رخ سمیت معروف یوٹیوبرز جاں بحق

یوٹیوبرز سالگرہ کی تقریب گھر واپس جا رہے تھے جہاں ان کے سامنے اچانک ایک تیز رفتار گاڑی آگئی
اپ ڈیٹ 10 جون 2024 11:15pm
تصویر:یوٹیوب/@راؤنڈ2ورلڈ
تصویر:یوٹیوب/@راؤنڈ2ورلڈ

بھارت میں ایک خوفناک کار حادثہ پیش آیا جس کے نتیجے میں 4 مسلمان یوٹیوبرز جاں بحق ہوگئے۔

بھارتی میڈیا رپورٹ کے مطابق بھارتی ریاست اتر پردیش کے امروہہ ضلع میں دو گاڑیوں کے تصادم کے نتیجے میں چار مسلمان یوٹیوبرز جاں بحق ہوگئے جبکہ حادثے میں 6 افراد زخمی ہوئے۔

یوٹیوبر کو لیمبورگینی کار پر ہیلی کاپٹر سے ’پٹاخوں کی بارش‘ کرنا مہنگا پڑ گیا

جاں بحق ہونے والے یوٹیوبرز کے نام لکی چوہدری، سلمان، شاہ رخ اور شاہنواز بتائے گئے ہیں۔ نوجوان یوٹیوبر ’Round2World‘ کے نام سے یوٹیوب چینل چلا رہے تھے جس میں ان کے سبسکرائبر کی تعداد 2.6 ملین سے زائد ہے۔

میڈیا رپورٹ کے مطابق نوجوان یوٹیوبرز ایک سالگرہ کی تقریب سے گاڑی میں اپنے گھر واپس جا رہے تھے جہاں اُن کے سامنے اچانک ایک تیز رفتار گاڑی آگئی۔

حادثے کے فوراً بعد جائے وقوعہ پر لوگوں کا ہجوم اکٹھا ہوا اور چاروں یوٹیوبرز کو سی ایچ سی گجرولا اسپتال لے جانے کے لیے فوری طور پر ایمبولینس کا انتظام کیا گیا۔ تاہم اسپتال پہنچانے پر ڈاکٹروں کی جانب سے انہیں مردہ قرار دے دیا گیا۔

مذکورہ واقعے سے متعلق پولیس اہلکار نے بتایا کہ حادثے میں زخمیوں کو علاج کے لیے امروہہ ڈسٹرکٹ اسپتال لے جایا گیا ہے جبکہ یوٹیوبرز کی لاشوں کو پوسٹ مارٹم کے لیے بھیج دیا گیا۔

پولیس کا مزید کہنا تھاکہ حادثے میں جاں بحق ہونے والے نوجوان یوٹیوبرز کے اہل خانہ کو مطلع کر دیا گیا ہے۔

india

car accident

Died

muslim youtubers