Aaj News

جمعہ, جولائ 19, 2024  
12 Muharram 1446  

شہزاد رائے کا بجٹ میں کتابوں پر سیلز ٹیکس کی تجویز واپس لینے کا مطالبہ

اساتذہ کی تنخواہوں پر 25 فیصد ٹیکس چھوٹ بحال کی جائے، شہزاد رائے
شائع 24 جون 2024 10:50pm

پاکستان کے معروف گلوکار اور سماجی رہنما شہزاد رائے نے حکومت سے نئے بجٹ میں کتابوں پر سیلز ٹیکس کی تجویز واپس لینے کا مطالبہ کیا، ان کے مطابق وزیراعظم نے ان کی تجویز پر غور کرنے کی یقین دہانی کرائی ہے۔

شہزاد رائے نے ایکس پر جاری ایک بیان میں کہا کہ انہوں نے وزیراعظم شہباز شریف اور وزیر منصوبہ بندی احسن اقبال سے رابطہ کیا اور وفاقی حکومت سے درخواست کی کہ بجٹ میں درسی کتابوں پر 10 فیصد سیلز ٹیکس عائد کرنے کا فیصلہ واپس لیا جائے۔

شہزاد رائے کا کہنا ہے کہ میں نے یہ بھی درخواست کی ہے کہ اساتذہ کی تنخواہوں پر 25 فیصد ٹیکس چھوٹ بحال کی جائے۔

ان کا کہنا تھا کہ دونوں رہنماؤں نے یقین دہانی کرائی ہے کہ وہ معاملے کا بہترحل نکالنے کے لیے فیصلوں پر دوبارہ غور کریں گے۔

Shehzad Roy

Budget 2024 25

Tax on Books