اسلامی نظریاتی کونسل نے کسی فرد کی جانب سے اپنی جنس تبدیل کرنے کو ناجائز قرار دیتے ہوئے کہا ہے کہ اپنی جنس كے ازخود تعین كی اسلام میں اجازت نہیں ہے، اسلامی تعلیمات كے مطابق ہرفرد كی جنس پیدائشی طور پر طے شدہ ہوتی ہے۔

اسلامی نظریاتی کونسل کے اجلاس کا اعلامیہ جاری کردیا گیا ہے۔اعلامیے کے مطابق چیئرمین اسلامی نظریاتی کونسل علامہ راغب نعیمی کا کہنا ہےکہ کسی فرد کا اپنی واضح جنس کو تبدیل کرنا ناجائز ہے، البتہ غیر واضح جنس کا ابہام دور کرکے تعین جنس جائز ہے۔

مبارک ثانی کیس فیصلے کو اسلامی نظریاتی کونسل قدر کی نگاہ سے دیکھتی ہے، چئیرمین سی آئی آئی

[کسی فرد کو واجب القتل قرار دینا غیر شرعی غیر قانونی ہے، اسلامی نظریاتی کونسل](https://www.aaj.tv/news/30400900/

ان کا کہنا تھا کہ مرد کی عورت اورعورت کی مرد کی مشابہت اختیار کرنا سختی سے منع ہے، جنس كے ازخود تعین كی اسلام میں اجازت نہیں ہے، اسلامی تعلیمات كے مطابق ہرفرد كی جنس پیدائشی طور پر طے شدہ ہوتی ہے، اپنے باطنی احساسات كی بنیاد پرپیدائشی جنس كے برعكس شناخت بیان كرنا شرعی احكام سے متصادم ہے۔

اعلامیے کے مطابق علما نے کہا ہے کہ ایسے مریض یا پیدائشی طورپرناقص افراد كو گھر سے نكالنا یا ان پر تشدد جائز نہیں ہے، والدین كوپابند كیا جائے كہ وہ ایسے افراد كوخاندان میں شریک ركھیں۔