اسلام آباد: بانی پی ٹی آئی عمران خان کے خلاف ملک بھر میں درج مقدمات کی تعداد 186 تک پہنچ گئی ہے، جس کی مکمل تفصیلات وزارت داخلہ اور اسلام آباد پولیس کی الگ الگ رپورٹس میں سامنے آئی ہیں۔

مقدمات کی تفصیلات کے مطابق پنجاب میں 99، خیبرپختونخوا میں 2، اسلام آباد میں 74 مقدمات درج ہیں جبکہ ایف آئی اے کے پاس 7 مقدمات اور انکوائریز اور نیب کے پاس 3 مقدمات زیر التوا ہیں۔

اس کے علاوہ توشہ خانہ فوجداری کیس میں بانی پی ٹی آئی کی سزا کے خلاف اپیل بھی زیر التوا ہے۔ بانی پی ٹی آئی کے خلاف اکتوبر، نومبر، اور دسمبر کے احتجاج کے تناظر میں بھی مقدمات درج کیے گئے ہیں۔