Aaj News

ہفتہ, فروری 15, 2025  
16 Shaban 1446  

چیمپئنز ٹرافی: بھارتی بورڈ نے جرسی تنازعہ پر گھٹنے ٹیک دیے

ہم آئی سی سی کی گائیڈ لائنز پرعمل کریں گے، سیکرٹری بھارتی بورڈ
شائع 22 جنوری 2025 05:17pm

پاکستان کرکٹ بورڈ کے چیمپئنز ٹرافی 2025 کے لیے استعمال ہونے والی جرسی پر اعتراض کے بعد بھارتی کرکٹ نے گھٹنے ٹیک دیئے، سیکرٹری بھارتی بورڈ نے کہا ہے کہ ہم آئی سی سی کی گائیڈ لائنز پرعمل کریں گے۔

گزشتہ دنوں میڈیا نے رپورٹ کیا تھا کہ بھارتی کرکٹ بورڈ نے چیمپئینز ٹرافی کیلئے مبینہ طور پر ٹیم کی جرسی پر میزبان ملک ’پاکستان‘ کا نام چھاپنے پر اعتراض اٹھایا ہے۔

میڈیا رپورٹس کے مطابق بھارتی ٹیم ہائبرڈ ماڈل لاگو ہونے کے بعد میچز دبئی میں کھیلے گی تاہم پاکستان ایونٹ میزبان ہے اور آئی سی سی قوانین کے تحت جو ملک میزبانی کر رہا ہوتا ہے، ایونٹ کی جرسی پر اس ملک کا نام درج ہوتا ہے لیکن بھارت اب یہاں بھی سیاست کرنے کی کوشش کررہا ہے۔

چیمپئنز ٹرافی: بھارت کی درخواست پر آئی سی سی کا سخت مؤقف سامنے آگیا

پاکستان کرکٹ بورڈ کا کہنا تھا کہ ٹیم انڈیا کی جرسیوں پر پاکستان کا نام چھاپنے سے انکار کرکے ’کرکٹ میں سیاست‘ لانے کی کوشش کررہی ہے، جبکہ کیپٹنز میٹ اور افتتاحی تقریب کے دوران اپنے کپتان روہت شرما کو بھی پاکستان بھیجنے سے انکار کیا جارہا ہے، تاکہ میزبان کا نام خراب کیا جاسکے۔

چیمپئنز ٹرافی میں صائم ایوب کا متبادل کون ہوگا؟ ناموں پر مشاورت جاری

پی سی بی عہدیدار نے کہا تھا کہ اب جرسی پر پاکستان (میزبان ملک کا نام) چھاپنے پر اعتراض صاف طور پر تنازعہ کھڑا کرنے کی کوشش کا بھرپور جواب دیا جائے گا۔

چیمپئنز ٹرافی کیلئے ٹیم میں شامل نہ کیے جانے پر بھارتی کرکٹر آخر کار بول پڑے

تاہم اب خبرسامنے آئی ہے کہ بھارت سخت ردعمل سامنے کے خدشے کے باعث اپنے متنازعہ مؤقف سے پیچھے ہٹ گیا ہے۔ میڈیا رپورٹس کے مطابق سیکرٹری بھارتی بورڈ نے کہا کہ ہم آئی سی سی کی گائیڈ لائنز پر مکمل عمل کریں گے۔

world

PCB

ICC

paksitan

BCCI

Icc Champions Trophy 2025

pcb official