پاکستان اور متحدہ عرب امارات کی جانب سے ایک دوسرے کیساتھ رابطے کو بہتر بنانے اور اپنے دیرینہ تعلقات کو مضبوط بنانے کے لیے دونوں ممالک کے درمیان پروازیں بڑھانے پر اتفاق ہوا ہے۔

متحدہ عرب امارات میں پاکستان کے سفیر فیصل نیاز ترمذی کے مطابق، رواں ہفتے یو اے ای حکام کے ساتھ بجٹ کے موافق ایئرلائن کے اختیارات متعارف کرانے کے حوالے سے بات چیت کے بعد معاہدے کو حتمی شکل دی گئی۔

معاہدے کے مطابق پاکستان کی ایئرسیال تین شہروں سے ابوظہبی کے لیے پروازوں کا آغاز کرے گی جبکہ ویز ایئر (Wizz Air) ابوظہبی اور پاکستان کے دو شہروں کے درمیان پروازیں شروع کرے گی۔

جرمن ائیرلائن کا 2025 میں ہزاروں ملازمتیں دینے کا اعلان

رپورٹ کے مطابق یہ نئے روٹس اگلے دو سے تین ماہ کے اندر شروع ہونے کی امید ہے، ایئر لائنز جلد ہی شیڈول اور روٹس کا اعلان کریں گی۔

اس وقت ایمریٹس، اتحاد ایئرویز، فلائی دبئی، پی آئی اے، فلائی جناح، ایئر عربیہ، سیرین ایئر اور ایئر بلیو سمیت 8 ایئر لائنز دونوں ممالک کے درمیان پروازیں جاری ہیں۔

پی آئی اے کا ’لوگو‘ بدلنے والا ہے؟ ائیرلائن نے وضاحت پیش کردی

حکام نے اس بات پر زور دیتے ہوئے کہا کہ یہ معاہدہ صرف پروازوں کو بڑھانے کے بارے میں نہیں بلکہ تجارت، سرمایہ کاری اور ثقافتی تعلقات کو بڑھانے کے لیے بھی اہم ہے۔