امریکی محکمہ خارجہ کی جانب سے کئی ممالک میں سفارتی مشنز کو بند کرنے کا منصوبہ بنایا گیا ہے۔

غیر ملکی میڈیا کے مطابق محکمہ خارجہ نے مختلف ممالک میں تعینات کئی مقامی ملازمین کو فارغ کرنے کا منصوبہ بھی بنا لیا ہے۔

امریکی میڈیا کے مطابق موسم گرما تک کئی ممالک میں قونصل خانے بند کرنے کا منصوبہ بنالیا گیا ہے۔

محکمہ خارجہ کے اقدام سے سلامتی کے امور میں رکاوٹ کا خدشہ ہونے کے سبب سی آئی اے حکام کو تشویش لاحق ہوگئی ہے کیونکہ چین نے عالمی سطح پر اپنی سفارتی موجودگی کو وسعت دی ہے۔

داعش دہشت گرد شریف اللہ کی گرفتاری پر امریکا کا پاکستان سے اظہار تشکر

واضح رہے کہ امریکا میں غیر قانونی تارکین وطن کے داخلے کے ذمہ دار غیر ملکی سرکاری افسران کیخلاف ٹرمپ حکومت نے ویزا پابندیوں کی نئی پالیسی کا اعلان بھی کیا ہے۔

رپورٹ کے مطابق ان پابندیوں کا اطلاق آئندہ ہفتے سے ہوگا، ٹرمپ انتظامیہ کی نئی پالیسی سے ممکنہ طور پر افغانستان اور پاکستان کے لوگ متاثر ہو سکتے ہیں۔