ساہیوال کے نواحی گاؤں میں پسند کی شادی کرنے والے نوجوان کے گھر پر 25 سے زائد مسلح افراد نے حملہ کر دیا۔

ذرائع کے مطابق ملزمان نے گھر میں گھس کر توڑ پھوڑ اور فائرنگ کی اور ماں بیٹی سمیت 1 سالہ پوتی کو اغوا کر کے لے گئے۔

ذرائع کا کہنا ہے کہ مسلح افراد گھر کا گیٹ توڑ کر داخل ہوئے اور توڑ پھوڑ کی۔

ذرائع نے بتایا کہ ملزم منیر کی بیٹی سے زہرہ بی بی کے بیٹے نے پسند کی شادی کی تھی۔

رکشہ ڈرائیور سے 3500 روپے لوٹنے والے ڈکیتوں کو 15 سال قید کی سزا

ذرائع نے بتایا کہ ڈی پی او ساہیوال نے واقعے کا نوٹس لے کر مغویوں کی جلد بازیابی کا حکم دے دیا۔

ڈی پی او کا کہنا ہے کہ اغواکاروں کو جلد گرفتار کر کے مغویوں کو بازیاب کروایا جائے گا۔