ممبئی:بولی وڈ کی خوبرو اور معروف اداکارہ انوشکا شرما اپنی نئی فلم "فلوری"میں بھوت کے کردار میں نظر آئیں ،یہ کردار ادا کرکے انہوں نے  ایک رسک لیا تھا کیونکہ  بھارتی عوام اداکاراؤں کو بھوت کے روپ میں دیکھنا نہیں چاہتے لیکن انوشکا نے اس روایت کو غلط ثابت کردیا اور بھوت بن کر لوگوں کے دل جیتنے میں کامیاب ہوگئیں۔

انڈین ایکسپریس کے مطابق  فلم "فلوری"گزشتہ روز ریلیز ہوئی تھی اور لوگوں نے فلم کو  دیکھ کر اچھے ردعمل کا اظہار کیا ہے،تھیٹر سے باہر آتے ہوئے لوگوں کے چہروں پر خوشی تھی ،ایک خاتون کا کہنا تھا کہ  انوشکا فلم میں بہت اچھی لگ رہی تھیں اور وہ ایک بار پھر لوگوں کے دل جیتنے میں کامیاب ہو گئی ہیں ،وہ فلم کو 4 اسٹار دینا چاہیں گی۔جبکہ کالج گرلز کے ایک گینگ نے فلم کی تعریف کرتے ہوئے کہا کہ  وہ فلم 3.5اسٹار دینا  چاہتی ہیں۔

انشائی لعل کی ہدات میں بننے والی فلم  کی کہانی انوشکا کے فرینڈلی بھوت' ششی 'کے گرد گھومتی ہے،فلم کے کردار کرن کی شادی بھارتی رواج کے مطابق ایک درخت سے کردی جاتی ہے جس پر انوشکا کا بھوت رہتا ہے اور یہیں سے کہا نی ایک نیا موڑ لیتی ہے،بنیادی طور پر یہ فلم  محبت پر  مبنی ہے۔

فلم کو ریلیز ہوئے ابھی صرف ایک ہی دن ہواہے اور فلم 4 کروڑ 2لاکھ کا بزنس کرنے میں کامیاب ہوگئی ہے،یہ آمدنی انوشکا شرما کی پروڈکشن میں بننے والی پہلی فلم' این ایچ10'(3.35کروڑ)،ودیا بالن کی سپُر ہٹ فلم' کہانی'(3 کروڑ)،اور' تنو ویڈز منو '(3.2کروڑ)سے زیادہ ہے۔