ڈبلیو ڈبلیو ای 2 اپریل 2017  کوریسلنگ کے دیوانوں کیلئے لا رہا ہے 33واں ریسل مینیاایونٹ۔  ویسے تو پورا ایونٹ ہی زبردست ہو گا۔ لیکن یہاں آپ کو سات ایسے میچز کے بارے میں بتا رہے ہیں  جن کو لازمی دیکھنا تو بنتا ہے۔

گولڈ برگ 

گولڈ برگ  اپنے روایتی حریف بروک لیسنر سے ٹکرائیں گے۔ گولڈ برگ اس وقت یونیورسل چیمپئین کا ٹائٹل لئے ہوئے ہیں، جبطکہ بروک لیسنر سروائور سیریز میں گولڈ برگ کے ہاتھوں بدترین شکست کے بعد بدلہ لینے کو تیار ہیں۔

انڈر ٹیکر 

انڈر ٹیکر ہونگے  بگ ڈاگ رومن رینز کے مد مقابل۔ یہ مقابلہ ٹائٹل کا نہین بلکہ رنگ میں اجارہ داری قائم کرنے کا ہے۔

 برےوائٹ

برے وائٹ  رینڈی اورٹن کے مقابل اپنے ڈبلیو ڈبلیو ای چیمپئین شپ ٹائٹل کا دفاع کریں گے۔ دونوں فی الحال گہرے دوست ہیں۔ لیکن دیکھتے ہیں اس میچ کے بعد دوستی قائم رہتی ہے یا نہیں۔

کرس جیریکو

کرس جیریکو اور کیون اوونز کے درمیان خلش پیدا ہونے بعد اب دونوں ایک دوسرے کے مقابل ہونگے۔  یہ میچ یونائیٹڈ اسٹیٹ چیمپئین شپ ٹائیٹل کیلئے ہوگا۔

اے جے اسٹائلز

اے جے اسٹائلس کا شمار ان ریسلرز میں کیا جاتا ہے جو گزشتہ سال بھی اپنی شاندار کار کردگی کی بدولت اعزازات اپنے نام کرنے میں کسی حد تک کامیاب ہو گئے تھے ۔  کیا اس بار بھی شین مک میہن کا مقابلہ کر پائیں گے؟ یہ تو میچ دیکھنے کے بعد ہی پتا چلے گا۔

سیٹھ رولینس

گھٹنے میں چوٹ کے سبب سیٹھ رولینس گزشتہ سال اس مقابلے میں اپنے انداز  پیش کرنے سے قاصر رہ گئے تھے ۔ لیکن اس بار وہ اپنی سابقہ ہار کا بدلہ ٹرپل ایچ سے لینے کیلئے رنگ میں اتریں گے۔

دی  مِز 

دی مِز  کو اکثر عروج و زوال کا سامنا رہتا ہے ۔کبھی ان کی کار کردگی انتہائی شاندار ہوتی ہے اور کبھی وہ  اپنی کار کردگی سے شائقین کو لطف اندوز کرنے میں خاص کامیابی حاصل نہیں کرپاتے۔ریسل مینیا 27 میں انھوں نے ایک شاندار کار کردگی پیش کی تھی لیکن اب وہ کس  طرح سے شائقین کی توجہ اپنی طرف مرکوز کرتے ہیں یہ تو ان مقابلوں میں ہی پتا چلے گا ۔ لیکن فی الحال اتنا ضرور کہا جاسکتا ہے کہ وہ بھر پور کار کردگی پیش کے کیلئے انتہائی پر عزم ہیں۔     

بشکریہ muscleandfitness