اجزاء:

چکن                          300گرام

کھانے کا تیل                پانچ کھانے کے چمچ

نمک                         حسبِ ذائقہ

لال مرچ پیسی ہوئی        دو کھانے کے چمچ

لیموں کا رس                دو کھانے کے چمچ

پیلا رنگ                    ایک چٹکی

ادرک لہسن کا پیسٹ       ڈیڑھ کھانے کا چمچ

لہسن (چوپ کیا ہوا)       ایک کھانے کا چمچ

ثابت زیرہ                   ایک چائے کا چمچ

ہری مرچ                    دو عدد

لال مرچ کُٹی ہوئی         ایک چائے کا چمچ

کالی مرچ کُٹی ہوئی       آدھا چائے کا چمچ

زیرہ پیسا ہوا               ایک چائے کا چمچ

دھنیا پیسا ہوا              ایک چائے کا چمچ

مکھن                      2 کھانے کے چمچ

ٹماٹر                      150گرام

ترکیب:

ایک برتن میں چکن ڈال کر اس میں کھانے کا تیل ،نمک ،لال مرچ پسی ہوئی ،لیموں کا رس ،پیلا رنگ اورادرک لہسن کا پیسٹ ڈال کر ملا لیں اور آدھا گھنٹہ کے لیے فریج میں رکھ دیں۔

پھر مکس کیا ہوا چکن گرل کرلیں۔

اب ایک پین میں کھانے کا تیل لیں اور اس میں چوپ کیا ہوا لہسن، ثابت زیرہ، گرل کیا ہوا چکن، ہری مرچ، نمک، لال مرچ پسی ہوئی، لال مرچ کُٹی ہوئی، کالی مرچ کُٹی ہوئی، زیرہ پسا ہوا، دھنیا پسا ہوا، ٹماٹر اور پانی ڈال کر آٹھ سے دس منٹ تک ہلکی آنچ پر دم دیں۔

اب اس میں ہری مرچ ،ادرک ،ہرا دھنیا اور مکھن ڈال کر ہلا لیں۔

پھر اس پر ایلومنیم فوائل رکھ کر دہکتا ہوا کوئلہ رکھیں اور اس پر مکھن رکھ کر فوراً ڈھکن بند کردیں اور دو سے تین منٹ تک دم دیں۔

آپ کی مزیدار چکن باربی کیوکڑاہی تیار ہے۔