وزیراعظم نوازشریف نے لاہور کے جناح اسپتال میں زخمیوں کی عیادت کی،اور انتظامیہ کو زخمیوں کو بہترین طبی سہولیات فراہم کرنے کی ہدایت کی ہے۔

وزیراعظم نوازشریف ،وزیراعلیٰ پنجاب شہبازشریف اور وفاقی وزیرداخلہ چوہدری نثار کے ہمراہ لاہور کے جناح اسپتال پہنچے اور دھماکے میں زخمی ہونے والے افراد کی عیادت کی۔

وزیراعظم زخمیوں سے ملے اور ان کی خیریت دریافت کی،اس موقع پر انتظامیہ کی جانب سے وزیراعظم کو مریضوں کے علاج معالجے سے متعلق بریفنگ دی گئی۔

وزیراعظم نے اسپتال انتظامیہ کو ہدایت کی کہ زخمیوں کو بہترین اور ہر ممکن طبی سہولیات فراہم کی جائیں۔وزیراعظم زخمیوں کے لواحقین سے بھی ملے اور ان سے اظہار ہمدردی کیا۔