Aaj TV News

COVID-19 TOTAL DAILY
CASES 282,645 782
DEATHS 6,052 17
Sindh 122,759 Cases
Punjab 94,040 Cases
Balochistan 11,821 Cases
Islamabad 15,182 Cases
KP 34,432 Cases

بالی ووڈ کی مشہور و معروف اداکارہ ایشوریا رائے بچن اور ان کی بیٹی ارادھیا کو ممبئی کے ناناوتی اسپتال میں داخل کردیا گیا، دونوں میں چند روز قبل عالمی وباء کورونا وائرس کی تصدیق ہوئی تھی۔

بھارتی میڈیا رپورٹس کے مطابق بالی ووڈ کے لیجنڈری اداکار امیتابھ بچن اور ان کے بیٹے ابھیشیک بچن میں کورونا وائرس کی تصدیق ہونے کے بعد جب ان کی بہو ایشوریا اور پوتی ارادھیا کے ٹیسٹ کروائے گئے تو وہ بھی مثبت آئے تھے۔

امیتابھ بچن اور ابھیشیک بچن پہلے ہی ناناوتی اسپتال کے آئسولیشن وارڈ میں قرنطینہ کئے ہوئے ہیں جبکہ اب ایشوریا اور ان کی بیٹی ارادھیا کو بھی اسی اسپتال میں منتقل کردیا گیا ہے، دونوں اس سے قبل گھر میں ہی قرنطینہ تھے۔

واضح رہے کہ امیتابھ بچن کی اہلیہ جیا بچن اس وائرس سے محفوظ ہیں۔