'مت ڈریں آپ، میں آپ کے ساتھ ہوں'
گزشتہ دنوں شادی کے بندھن میں بندھنے والی پاکستان کی خوبرو اداکارہ سارہ خان نے اپنی شادی کی آفیشل ویڈیو انسٹاگرام پر شیئر کردی۔
چھوٹی سی اس منفرد اور خوبصورت ویڈیو میں اداکارہ سارہ خان اور ان کے شوہر گلوکار فلک شبیر کو محبت بھری گفتگو کرتے ہوئے بھی دیکھا جاسکتا ہے۔
سارہ خان اپنی انٹری پر 'فلک۔۔۔' آواز دیتی ہیں جس پر فلک 'سارہ۔۔' کہہ کر جواب دیتے ہیں۔ پھر سارہ کہتی ہیں کہ 'آپ اپنی دلہن پر دھیان دیں' تو فلک کہتے ہیں کہ 'میں یہاں ہوں مجھے ڈھونڈو'۔
اس کے بعد سارہ کہتی ہیں کہ 'سوچ لیں' جس پر فلک کہتے ہیں کہ سوچنے کا وقت نہیں، قبول ہے کہنے کا وقت ہے'۔ پھر سارہ کہتی ہیں کہ 'مجھے ڈر لگ رہا ہے' تو فلک شبیر محبت بھرے انداز میں کہتے ہیں کہ 'مت ڈریں آپ، میں آپ کے ساتھ ہوں'۔ ویڈیو دیکھئے۔
اس ویڈیو کو شیئر کرتے ہوئے سارہ خان نے بتایا کہ وہ اپنی شادی کے ہر چھوٹے لمحے کو شیئر کرنے سے خود کو روک ہی نہیں پائیں۔ انہوں نے اپنی زندگی کے یادگار لمحات کیلئے عزیر و اقارب سمیت سب کا شکریہ ادا کیا۔
Comments are closed on this story.