لبنان میں دھماکوں سے کئی افراد کے جاں بحق ہونے اور کئی کے زخمی ہونے کی اطلاعات ہیں۔

لبنان کا دارالحکومت بیروت دھماکوں سے گونج اٹھا، بیروت میں بندرگاہ کے قریب زوردار دھماکوں کے بعد دھوئیں کے بادلوں نے علاقے کو دھدندلادیا۔

دھماکے کی وجہ تاحال معلوم نہ ہوسکی۔حکام کے مطابق دھماکے بندرگاہ کے اندر اس جگہ ہوئے جہاں پٹاخے رکھے ہوئے تھے۔

دھماکوں میں جانی نقصان کی بھی اطلاعات ہیں۔دھماکے کے بعد جائے وقوعہ پر شدید آگ لگی ہوئی ہے۔

دھماکوں کے بعد بیروت کی سڑکوں پر تباہی کے مناظر ہیں، درجنوں عمارتوں اور گاڑیوں کو شدید نقصان پہنچا، بیروت کی گلیاں جنگ زدہ علاقوں کے مناظر پیش کررہی ہیں،لبنانی وزیر صحت کے مطابق پٹاخوں سے بھرا جہاز بیروت بندرگاہ پر پھٹ گیا۔