عوامی رابطے کے بڑے فورم فیس بک نے امریکی صدر کی ویڈیو پوسٹ ہٹا دی ہے۔ خبر ایجنسی کے مطابق امریکی صدر نے اپنے ویڈیو بیان میں کہا تھا کہ بچے تقریباََ کورونا وائرس سے مثتثنیٰ ہوتے ہیں۔

فیس بک انتظامیہ کی جانب سے امریکی صدر کے بیان کو نقصان دہ اور کورونا سے متعلق گمراہ کن معلومات پر مبنی قرار دے کر اسے پیج سے ہٹا دیا گیا ہے۔

اس ضمن میں فیس بک کے ترجمان کا کہنا ہے کہ امریکی صدر کی جانب سے یہ کہنا کہ لوگوں کا ایک مخصوص گروہ کورونا سے مثتثنیٰ ہے، یہ ہماری پالیسی کی خلاف ورزی ہے۔

وائٹ ہاؤس میں پروس بریفنگ کے دوران اپنے بیان کے دفاع میں صدر ٹرمپ نے کہا کہ میرے کہنے کا مطلب یہ تھا کہ بچے کورونا وائرس سے شدید قسم کے بیمار نہیں ہوتے۔

ان کا کہنا تھا کہ اگر بچوں کو دیکھا جائے تو وہ بہت آسانی سے اس مرض کا مقابلہ کر سکتے ہیں۔

واضح رہے کہ فیس بک کی جانب سے یہ قدم اس وقت اٹھایا گیا ہے جبکہ انتظامیہ کو اس دباؤ کا سامنا ہے کہ وہ کورونا کے حوالے سے فیس بک پر گردش کرتی غیر مصدقہ معلومات کی روک تھام کے لیے اقدامات کرے۔