نئی دہلی: بھارت میں دبئی سے آنے والے انڈیا ایکسپریس کے مسافر بردار طیارے کو لینڈنگ کے دوران خوفناک حادثہ پیش آگیا۔

بھارتی میڈیا رپورٹ کے مطابق حادثے کے نتیجے میں طیارہ دو ٹکڑے ہوگیا، ابتدائی طور پر 16 ہلاکتوں اور متعدد افراد کے زخمی ہونے کی اطلاع ہے تاہم ہلاکتوں میں اضافے کا خدشہ ظاہر کیا جارہا ہے۔

طیارے میں کُل 184 مسافر جن میں 10 بچے بھی شامل تھے جبکہ 2 پائلٹس اور 5 طیارے کا عملہ سوار تھا۔ حادثے کی نوعیت اور تباہ طیارے کو دیکھ کر بڑے پیمانے پر ہلاکتوں کا خدشہ ظاہر کیا جا رہا ہے۔

یہ طیارہ دبئی سے ریاست کیرالہ کے شہر کوژیکوڈ کے ایئرپورٹ پر پہنچا تھا جو رن وے پر پھسلتے ہوئے حادثے کا شکار ہوا، حادثہ اتنا خوفناک تھا کہ طیارے کے دو ٹکڑے ہوگئے۔